Category Archives: ኪነ ጥበብ ( Art )

images (3)

ጽናት

  ጽናት

ግፉ ቢበዛ ቢሞላ

መንገድ ጋራጁ ቢፈጥር ከለላ

አቁመኝ ጌታዬ በመላ

ካንተ መንገድ ላልል ወደኋላ፡፡

ልቤን በኢስላም አጽንተህ

ላይገለበጥ አርግተህ

የተብቃቅሁኝ አድርገህ፡፡

ይህችን ምድር ስኖርባት

አንተን ልገዛባት አድርጋት፡፡

ደግሞ ስሄድም ፈጽሜ

ለጀነት ይሁን ድካሜ፡፡

                                                                                     ፍኖተ ኢስላም             

አበጋዝ ሶርጋኖ (ኖቬል)

 

 

ከመሃመድ ጀማል

ቤታችን የሚገኘው ፒያስ ስለነበር ከባላገር የመጣ እንግዳ አያጣውም። አንዳንዶቹ አንድ ቀን አድረው መንገዳቸውን ሲቀጥሉ ሌሎች ደግሞ ላልተወሰነ ጊዜ በእንግድነት ያሳልፉ ነበር። ከባላገሮቹ በተጨማሪ ሌሎች የከተማው ነዋሪ የሆኑ ዘመዶችም መሰብሰቢያ ነበር ቤታችን። በተለይ የሀሙስ ማታ መጅሊስ የደመቀ ነበር። ቡና በቅቤ ይፈላል፣ ጫት ይቃማል፣ ቁርዓን ይቀራል፣ ለነብዩ (ሶአወ) ሰለዋት ይወርዳል፣ ወዘተ።