Category Archives: Editorial

መንግስት ሙስሊሙን የሚተነኩሰው ለምን ይሆን?

የራዲዮ ነጋሺ ርእሰ አንቀጽ

ኖቬምበር 25 

ለምንድነው መንግስት ሙስሊሞች ላይ የጥቃት ዘመቻን የከፈተው? ሙስሊሙን በማጥቃት ምን የሚያተርፈው ነገር አለ? ሙስሊሞች ወዳጆቼ ናቸው ሲል አልነበረምን ታዲያ አሁን ምን አዲስ ነገር ተገኝቶ ነው እንዲህ በአዲስ እምነት ካላጠመኳችሁ ብሎ ክችች በማለት ወዳጆቹን ለማስቅቀየም የመረጠው? መንግስት እንደሆነ ለአገዛዙ የሚመቸው ሰላም ሲሰፍን ነው፣ ታዲያ ለምንድነው በሰላም አርፎ የተቀመጠው ሙስሊም ህብረተሰብ ላይ በመዝመት ራሱን ላልተፈለገ ችግር የሚዳርገው እና የመሳሰሉት ጥያቄዎች ከአንዳንድ ሰዎች፤ ጋዜጠኞችንም ጨምሮ ሲነሱ ይደመጣል።

የበሬ ወለደ ፕሮፖጋንዳ አንዲቆም እንጠይቃለን

የራዲዮ ነጋሺ ርእሰ አንቀጽ

ኖቬምበር 25 

የጁመዐው የሙስሊሞች የዝምታ ተቃውሞ በኢትዮጵያ የህዝብ ተቃውሞ ታሪክ አዲስ ምእራፍ የከፈተ ብቻ ሰይሆን የሙስሊሙን የተቃውሞ እንቅስቃሴ በአንድ ደረጃ ከፍ ያደረገ ነው ቢባል በፍጹም ማጋነን አይሆንም። ሙስሊሙ ልክ አንድ ኢማም አላህ ወክበር በማለት ሰላት ሲጀምር ሁሉም በሴኮንዶች ውስጥ ጫጫታውን አቁሞ በረድፍ በረድፍ ቆሞ በጸጥታ ወደ መንፈሳዊው አለም ጭልጥ ብሎ እንደሚገባ ሁሉ የዚህ ሳምንት ተቃውሞ የሚገለጸው በዝምታ መሆኑን የሚገልጸው መልእክት ሲደርሰው መልእክቱን አድምጦ ትእዛዙን በማክበር ተቃውሞውን በዝምታ በማሰማት በአንድ በኩል በመካከሉ የተፈጠረው አንድነት ማበብ መጀመሩን በሌላ በኩል ደግሞ መብቱን ለማስከበር ያለውን ቁርጠኛ አቋም አስመስክሯል። ሙስሊሙ አካሄዱ እጅግ ሰላማዊና ህጋዊ እየሆነ በሄደ ቁጥር ባንጻሩ በኢህአዴግ የሚመራው የኢትዮጵያ መንግስት ውንጀላና የሃሰት ፕሮፖጋንዳም እንዲሁ መረን እያጣ መምጣቱን ተመልክተናል። እንዴት ሁለት የውጪ ዜጎችን ተኮናትሮ በማምጣት መስጊድ ውስጥ መጽሃፍ እንዲበትኑ እንዳደረጋቸውና ከዚያም አሸባሪዎችን እጅ ከፍንጅ ይዤ ወደ ሃገራቸው መለስኳቸው በማለት ፍጹም ቀልድ የማይገባውን ሰው እንኳን የሚያስቅ ድራማ እንደሰራ ሁላችንም ተመልክተናል።